பேரனஸ் ஆர்க்சி எழுதிய “ஓல்ட் மான் இன் தி கார்னர்”

துப்பறியும் கதைகளை விரும்பிப் படிப்பவரா நீங்கள்? உங்களுக்கு இரண்டு பக்கத்துக்கு ஒரு துப்பாக்கி சண்டை தேவை இல்லையா? அப்படி என்றால் Baroness Orczy எழுதிய Old Man in the Corner கதைகளை படிக்கலாம். யாரும் ஷெர்லாக் ஹோம்ஸ் அருகே போகமுடியாது என்றாலும் துப்பறியும் கதைகள் genre-இல் இவை கிளாசிக்.

Armchair Detective என்று சொல்வார்கள் – உட்கார்ந்த இடத்திலிருந்தே எல்லாருக்கும் தெரியும் க்ளூக்களை வைத்து யார் குற்றவாளி என்று கண்டுபிடிப்பவர்கள். (ஷெர்லாக்கின் அண்ணன் மைக்ராஃப்ட் இப்படிப்பட்டவர்தான்) பேர் தெரியாத, ட்வைன் நூலில் முடிச்சுப் போட்டுக் கொண்டே இருக்கும் இந்த கிழவர் அப்படிப்பட்டவர்தான். (இது முழுக்கவும் உண்மையில்லை, அவர் அவ்வப்போது கோர்ட்டுக்கு போய் கேஸ் எப்படி நடக்கிறது என்று பார்ப்பார்). ஒரு சீப்பான ஹோட்டலில் மதிய உணவு சாப்பிட வரும் ஒரு நிருபியிடம் – பாலி பர்டன் (Polly Burton)- மட்டும் பேசுவார் – போலீசாரால் கண்டுபிடிக்க முடியாத குற்றங்களை அலசுவார், யார் குற்றவாளி என்று தெளிவாக சொல்வார். இரண்டு மூன்று கதை படித்த பிறகு நமக்கு முடிச்சுகளை யூகிக்க முடியும். என்றாலும் இந்தக் கதைகள் சிறப்பானவையே. குறிப்பாக Fenchurch Street Mystery, Mysterious Death in the Underground Railway ஆகிய கதைகளை சொல்லலாம்.

Lady Molly of Scotland Yard என்ற துப்பறியும் கதைப் புத்தகமும் உண்டு. Curiosity value மட்டுமே.

பேரனஸ் ஆர்க்சி எழுதிய Scarlet Pimpernel கதைகள் அந்தக் காலத்தில் பெரும் வெற்றி பெற்றவை. (ஃபிரெஞ்ச் புரட்சி காலத்தில் இந்த பிம்பர்நெல் ஃபிரான்சிலிருந்து கில்லட்டினின் பிடியில் இருக்கும் பிரபுக்களை காப்பாற்றி இங்கிலாந்துக்கு கொண்டு வரும் சாகசக் கதைகள்) இன்றும் கொஞ்ச கொஞ்சம் படிக்கப்படுகின்றன. இன்று போர்தான். வெகு சில நாவல்களே கொஞ்சமாவது சகித்துக் கொள்ளக் கூடியவை. – Triumph of the Scarlet Pimpernel (1922). குறிப்பாக Sir Percy Leads the Band (1936) போன்ற கதைகள் உப்பு சப்பில்லாதவை.

பொழுதுபோக்கு எழுத்து, துப்பறியும் கதை பிரியர்களுக்கு மட்டும். துப்பறியும் கதை பிரியர்கள் கட்டாயம் படிக்க வேண்டும்.

இந்த கதைகள் கூடன்பெர்க் தளத்தில் இலவசமாகக் கிடைக்கின்றன.

தொகுக்கப்பட்ட பக்கம்: துப்பறியும் கதைகள்