அழகர்சாமியின் குதிரை (சிறுகதை) – பாஸ்கர் சக்தி

இந்தக் கதையை நான் பிரமாதம் என்றெல்லாம் சொல்லமாட்டேன். என் anthology-யில் நிச்சயமாக இடம் பெறாது. கதை எப்படி போகும் என்றெல்லாம் சுலபமாக யூகிக்க முடிகிறது. (நிஜ அழகர்சாமி வரும் இடத்தைத் தவிர) காதல் கொஞ்சம் செயற்கையாக இருக்கிறது. இருந்தாலும் சில இடங்களில் புன்னகை வருகிறது. அருள் வந்த போலீஸ்காரர், கிராமத்திலேயே ஏறக்குறைய செட்டில் ஆகிவிடும் கான்ஸ்டபிள்கள், கடுப்பான கோடாங்கி, குதிரை சிலை தேடப் போய் நிஜ குதிரை வந்தது, நிஜ குதிரையைத் தேடி வரும் நிஜ அழகர்சாமி என்று சில இடங்கள் நன்றாக வந்திருக்கின்றன. நிறைய விவரங்களோடு நாவலாக எழுதி இருந்தால் இன்னும் நன்றாக இருந்திருக்கும்.

பாஸ்கர் சக்தி டிவி சீரியல் எழுதி புகழ் பெற்றவராம். இந்தக் கதையும் இப்போது திரைப்படமாகிறதாம். படம் ரிலீஸ் ஆகிவிட்டதாம்.