ஜெயமோகன் பரிந்துரைத்த சிறுகதை – சந்திராவின் “அறைக்குள் புகுந்த தனிமை”

ஜெயமோகன் எழுதி இருக்காவிட்டால் தெரிந்திருக்காது. நல்ல சிறுகதை. என்னை யோசிக்க வைத்தது.

சில மணி நேரங்களில் உறவு நிலை மாறிக்கொண்டிருப்பது, யார் அதிகாரம் செலுத்துவது, யார் அடங்கிப்போவது என்பது மாறுவது எனக்கு ஒரு literary device ஆகத் தெரிகிறது. மனித உறவுகளுக்குள் ஒரு சமநிலை (equillibrium) வந்த பிறகு அது மாறும் என்று நாம் எதிர்பார்ப்பதில்லை. ஆனால் அக/புற வயமான நிகழ்ச்சிகள் அவற்றை மெதுமெதுவாக மாற்றத்தான் செய்கின்றன. இதே கதையை பல வருஷங்களில் கணவன் மனைவிக்கு ஏற்படும் உறவு நிலை மாற்றங்களாக யோசித்துப் பார்த்தேன். நிறைய சிந்திக்க வைத்தது. ஓரங்க நாடகமாக வந்தால் மிகச் சிறப்பாக வரும்.

சந்திரா தன்னைப் பற்றி சொல்வது:

நுண்ணிய ஆயுதத்தைப் போல கண்ணுக்கு தெரியாமல் ஊசியாய் வாழ்க்கை அதன் வன்மத்தை என் மேல் செலுத்தினாலும் வாழ்வின் சுவையை ஆயுதத்தின் கூர்மையில் தேடிக் கொண்டிருப்பேன். ‘பூனைகள் இல்லாத வீடு‘, ‘காட்டின் பெருங்கனவு‘ இரண்டு சிறுகதை தொகுப்புகளும், ‘நீங்கிச் செல்லும் பேரன்பு‘ என்ற கவிதை தொகுதியும் வெளிவந்திருக்கிறது.

சந்திராவின் தளத்தில் இன்னும் சில சிறுகதைகள் – சூது நகரம், தரை தேடிப் பறத்தல், தொலைவதுதான் புனிதம் – படிக்கக் கிடைக்கின்றன. சூது நகரமும், தொலைவதுதான் புனிதமும் படிக்க சுவாரசியமாக இருந்தாலும் பாயின்ட் என்ன என்று என்று புரியவில்லை. தரை தேடிப் பறத்தலின் உருவகம் நன்றாக இருந்தாலும், முடிவு கொஞ்சம் போரடிக்கிறது.

சந்திராவுக்கு வாழ்த்துக்கள்!

தொடர்புடைய சுட்டி: சந்திராவின் தளம்

தொகுக்கப்பட்ட பக்கம்: தமிழ் சிறுகதைகள்