Skip to content

முத்து காமிக்ஸ் – இரும்புக் கை மாயாவி, லாரன்ஸ்/டேவிட், ஜானி நீரோ

by மேல் மே 23, 2012


ரொம்பச் சின்ன வயது – மன்னார்குடியில் அத்தை வீட்டுக்கு விடுமுறைக்குப் போயிருந்தபோது பல பெரிய பையன்கள் இரும்புக்கை மாயாவியின் முதல் புத்தகத்துக்காக அடித்து கொண்டபோது இத்துனூண்டு சின்னப் பையன் நானும் கோதாவில் குதித்து எனக்குடா எனக்குடா என்று சண்டை போட்டு வாங்கிப் படித்தது இன்னும் நன்றாக நினைவிருக்கிறது. இரும்புக் கை மாயாவி தோன்றிய முதல் புத்தகம் மட்டுமல்ல, அதுதான் முத்து காமிக்ஸின் முதல் இதழ் என்று நினைக்கிறேன். நான் பார்த்த காமிக்ஸ் முதல் இதழ் அதுதான். பேரே இரும்புக் கை மாயாவிதான் என்று நினைவு. இரண்டாவது இதழ் உறைபனி மர்மம் என்று நினைக்கிறேன். இன்னும் பாம்புத் தீவு, பாதாள நகரம், விண்ணில் மறைந்த விமானங்கள், கொலைக்கரம், யார் அந்த மாயாவி என்று சில இதழ் பேர்கள் நினைவிருக்கின்றன. பார்த்த முதல் நாளே காமிக்ஸின் சாத்தியங்கள் புரிந்துவிட்டன.

மாயாவி, லாரன்ஸ்/டேவிட், ஜானி நீரோ ஆகியோர்தான் முதல் ஹீரோக்கள். பிறகு ஃபாண்டம், மாண்ட்ரேக், ரிப் கிர்பி, சிஸ்கோ கிட், மாடஸ்டி ப்ளேய்ஸ் என்று நிறைய பேர் வந்தாலும் இந்த மூன்று பேரையும் மறந்ததில்லை. கல்லூரியில் சிவகுருநாதன், சுந்தர நாராயணன் உயிர் நண்பர்களாக ஆனதற்கு அவர்களுக்கும் இந்தப் பித்து இருந்தது ஒரு முக்கிய காரணம். பத்து வருஷத்துக்கு முன்னால் சுந்தரநாராயணன் மாயாவியின் மூலமான Steel Claw பற்றி சொன்னபோது எனக்கு ஒரு காப்பி, சிவகுருவுக்கு ஒரு காப்பி வாங்கினேன். 🙂 பழைய புத்தகக்காரர்கள், நண்பர்கள் யாராவது விற்பதாக இருந்தால் சொல்லுங்கள், நான் வாங்கிக் கொள்கிறேன்!

எனக்குத்தான் கிறுக்கு என்று பார்த்தால் எழுத்தாளர் எஸ்.ரா.வுக்கும் இருக்கிறது. அவரது இந்தக் கட்டுரையைப் பார்த்து அசந்துவிட்டேன். கட்டாயம் படியுங்கள்!

தமிழ் காமிக்ஸ் உலகம் என்ற தளம் முத்து காமிக்சைப் பற்றி நிறைய விஷயம் தருகிறது.

Advertisements

From → Tamil novels

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: