Skip to content
Tags

,

ஜப்பானில் அருணா (ஒசாகா)

by மேல் செப்ரெம்பர் 11, 2012

முதல் பகுதி இங்கே.

நானும் சாச்சிக்கோவும் ஒசாகா நகரத்திற்கு ரயிலில் சென்றோம். மித வேக ரயில் ஆதலால் 1 மணி நேரப் பயணத்தில் 30 கி. மீட்டர்கள் கடக்கலாம். இதே தூரத்திற்கு புல்லட் ரயிலில் ஆகும் நேரம் 15 நிமிடங்கள். ஞாயிறு முன்மாலையானாதால் நல்ல கூட்டம். ஒசாகா நகரனின் ஷின்சாய்பாஷி சந்து மற்றும் நாம்பா எனப்படும் வணிக மையங்கள் இத்தெருக்கள். சந்தென்று அழைக்கப்பட்டாலும் பல கிளை சந்துக்களால் ஒரு கண்ணியில் இணைக்கப்பட்ட நீண்ட தெருக்கள். ஜப்பானில் இளைஞர்கள் எண்ணிக்கை குறைவாக இருப்பது வெறும் பிரமை என்று இத்தெருக்களில் அலையும் போது தோன்றும். எங்கு பார்த்தாலும் இளைஞர்/இளைஞிகள், ஆயிரக்கணக்கான கடைகளில் ஜப்பானின் பொருளாதாரத்தை காப்பாற்ற தங்களால் முடிந்ததை வாங்கி கொண்டிருந்தார்கள். நியான் விளம்பர பலகைக் காடு. சமீபத்திய சுனாமியின் விளைவாக மின்சக்தியை சேமிக்கும் ஊக்கம் ஜப்பானில் அதிகரித்திருப்பதால் விளம்பர பலகைகள் முன்பை விட நேரம் பிந்தியே எரியவிடப்படுகிறது. தெருக்களின் மையத்தில் தோதோன்போரி என்றழைக்கப்படும் ஒரு செயற்கை கால்வாயும், கால்வாய் வழியே ஒசாகாவை சுற்றி பார்க்க Water Taxi என அழைக்கப்படும் படகுகளும் உள்ளது. ஒசாகா உணவிற்கும், நடன பான விடுதிகளுக்கும் பெயர் போனவை. அசையும் நண்டு, ஆக்டோபஸ், மற்றும் மீன்களின் பிரம்மாண்ட பிளாஸ்டிக் உருவங்கள் உணவு விடுதிகளின் மேலிருந்து நம்மை கை அசைத்து சாப்பிட அழைக்கின்றது. எல்லா பெரு நகரையும் போல இரவாகியும் தூங்காத நகரமும், ஈசலைப் போல் அதன் வயிற்றிலிருந்து வெளியேறும் மனிதக் கூட்டமும்.

நாங்கள் ஷின்சாய்பாஷியில் சுற்றிக் கொண்டிருந்த பொழுது ஒரு சந்தை மஞ்சள் டேப்பால் தடுத்து 7-8 போலிசார் பொதுமக்களை வேறு பாதையில் திருப்பி விட்டுக்கொண்டிருந்தார்கள். நாங்களும் சில நிமிடங்கள் வேடிக்கை பார்த்து விட்டு நகர்ந்தோம். வீட்டில் வந்து டி.வி யை போட்டால் அன்றைய பரபரப்பு செய்தி ஷின்சாய்பாஷியில் நடந்த இரட்டை கொலை. நாங்கள் கடந்து சென்ற 2 மணி நேரங்கள் முன்பு, இரு மாதங்கள் முன் ஜெயிலில் இருந்து விடுதலை ஆன ஒருவன் அத்தெருவிலேயே ஒரு கத்தியை வாங்கி, அவ்வழி சென்ற ஒரு ஆணையும் பெண்ணையும் எல்லோரும் பார்க்க பலமுறை குத்திக் கொன்றிருக்கிறான். வெளி உலகில் வாழ்வது எப்படி என்று தெரியவில்லை அதனால் மீண்டும் சிறை சென்றால் அரசாங்கமே தனக்கு தூக்கு தண்டனை விதிப்பார்கள் என எதிர்பார்த்து இச்செயலை செய்தேன் என்று வாக்குமூலமும் கொடுத்திருக்கிறான். ஏன் இவர்களை தேர்வு செய்தாய் என்ற கேள்விக்கு, காரணம் எல்லாம் ஒன்றும் கிடையாது நான் கொல்ல முடிவு செய்த பொழுது இவர்கள் கடந்து சென்றார்கள் அவ்வளவு தான் என்ற உறைய வைக்கும் பதில். நவீன உலகின் random violence 7000 மைல்கள் தாண்டி தோளுரசிச் செல்லும் வினோதம்.


தொகுக்கப்பட்ட பக்கம்: அருணா பதிவுகள், பயணங்கள்

தொடர்புள்ள சுட்டிகள்: முதல் பகுதி

Advertisements

From → Aruna Posts

One Comment
  1. malar permalink

    உங்கள் பதிவுக்கு நன்றி!!

    நன்றி,
    மலர்
    http://www.ezedcal.com/ta (வலைப்பூ உரிமையாளர்களுக்கான தலையங்க அட்டவணை உருவாக்க உதவும் வலைதாளம் பயன்படுத்தி பயன்பெறுங்கள்)

    Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: