பொருளடக்கத்திற்கு தாவுக

ஞானக்கூத்தன் கவிதை

by மேல் ஜனவரி 3, 2015

gnaanakkootthanஎங்கள் குடும்பத்தில் ஒரு மரணம். காயம் ரொம்ப ஆழமாக இருப்பதால் பெரிதாக விவரிப்பதற்கில்லை. அப்போது ஞானக்கூத்தனின் இந்த வரிகள் கண்ணில் பட்டன. கவிஞரின் “நீண்ட நாட்களாய்ப் பழகிய பேனா” தொலைந்துவிட்டது. பேனாவுக்கு என்னாயிற்றோ ஏதாயிற்றோ என்று துடிக்கிறார். கடைசியில் கவிதையை இப்படி முடிக்கிறார்.

புதிய பேனா எழுத எழுத
இழந்த பேனா இருப்பதை உணர்ந்தேன்
ஆமாம் எல்லாம் ஒன்றுதான்
இழந்த பேனாவும் இருக்கும் பேனாவும்

எல்லாம் ஒன்றல்ல. ஆனால் வேறு பேனாக்களில் இழந்த பேனாவை உணர முடியும் என்று திடீரென்று புரிந்தது. கொஞ்சம் ஆறுதலாக இருக்கிறது. வாழ்வின் கஷ்டமான தருணங்களில் வார்த்தைகள் உதவாது என்பதுதான் சட்டம். அபூர்வமான விதிவிலக்கு.

முழுக் கவிதையும் கீழே.

இழந்த பேனாவும் இருக்கும் பேனாவும்

சந்தேகத்துடனே தொட்டுப் பார்த்தேன்
பையிலிருந்த பேனாவைக் காணோம்
வழியில் எங்கோ விழுந்து விட்டது
நீண்ட நாட்களாய்ப் பழகிய பேனா
எங்கே விழுந்ததோ யாரெடுத்தாரோ
ஒருகணம் நினைத்தேன் வழியில் அதன் மேல்
வண்டி ஒன்று ஏறிவிட்டதாய்.
எண்ணிப் பார்த்ததும் உடம்பு நடுங்கிற்று
வண்டி எதுவும் ஏறியிராது.

பள்ளிக்கூடத்துப் பிள்ளையின் கையில்
கிடைத்திருக்கலாமென்று எண்ணிக் கொண்டேன்.
முள்ளைக் கழற்றிக் கழுத்தைத் திருகிப்
பல்லால் கடித்துத் தரையில் எழுதி
அந்தப் பையன் பார்ப்பதாய் எண்ணினேன்
அதற்கும் நடுங்கி எண்ணத்தை மாற்றினேன்

எவனோ ஒருவன் கிழவன் கையில்
அந்தப் பேனா கிடைத்ததாய் எண்ணினேன்
குடும்பத்தை விட்டுத் தொலைவில் வாழும்
அந்தக் கிழவன் மகளுக்குக் கடிதம்
எழுத முயன்று அவனுக்கெழுத
வராமல் போகவே என்னைத் திட்டியதாய்
எண்ணிக் கொண்டேன் எனக்குள் சிரித்தேன்.

மாலை வரைக்கும் நிம்மதியற்றுப்
புதிய பேனா ஒன்று வாங்கினேன்
சோதனைக்காகக் கடையில் கிறுக்கினேன்.
வீட்டுக்கு வந்ததும் முதலாம் வேலையாய்
எழுதிப் பார்க்கக் காகிதம் வைத்தேன்
என்ன எழுத? ஏதோ எழுதினேன்

புதிய பேனா எழுத எழுத
இழந்த பேனா இருப்பதை உணர்ந்தேன்

ஆமாம் எல்லாம் ஒன்றுதான்
இழந்த பேனாவும் இருக்கும் பேனாவும்

தொகுக்கப்பட்ட பக்கம்: கவிதைகள்

From → Poetry

2 பின்னூட்டங்கள்
  1. சிறந்த பாவரிகள்
    தொடருங்கள்

    Like

Trackbacks & Pingbacks

  1. ஞானக்கூத்தன் கவிதைகள் | சிலிகான் ஷெல்ஃப்

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.

%d bloggers like this: