Whiplash-ஐ பரிந்துரைக்க முக்கியமான காரணம் ஜே.கே. சிம்மன்ஸின் நடிப்புதான். சிம்மன்ஸுக்கு சிறந்த துணை நடிகருக்கான ஆஸ்கார் விருதும் கிடைத்தது.
சிம்மன்ஸ் ஒரு இசைப் பள்ளியில் ஆசிரியர். அங்கே இருக்கும் சிறந்த மாணவர்களை ஒரு இசைக்குழுவாக அமைத்து போட்டிகளில் கலந்து கொள்கிறார். மாணவர்களுக்கு தீசத்தனத்தோடு நிறைய அழுத்தம் கொடுக்கிறவர். மனரீதியான பாதிப்புகளை ஏற்படுத்துகிறார், ஒரு பழைய மாணவன் தற்கொலையே செய்து கொள்கிறான். ஒரு புதிய மாணவன் – ட்ரம்மர் – சிம்மன்சோடு போராடுவதுதான் கதை. ஆசிரியனின் தன்னிச்சையான arbitrary முடிவுகள், நியாயமற்ற எதிர்பார்ப்புகளை சமாளிக்க கடும் முயற்சி செய்யும் மாணவனின் கண்ணோட்டத்தில்தான் திரைப்படம் நகர்கிறது. கடைசியில் நல்ல இறுதிக் காட்சியோடு முடிகிறது.
திரைக்கதையில் காட்சிக்கு காட்சி டென்ஷன்தான். சில காட்சிகள் இப்போது யோசித்துப் பார்த்தால் அதீதமாக இருக்கின்றன, ஆனால் பார்க்கும்போது தெரிவதில்லை. சிம்மன்ஸ்தான் திரைப்படத்தின் அச்சாணி என்றாலும் மாணவனாக வரும் மைல்ஸ் டெல்லரும் கலக்குகிறார். படத்தின் பின்புலமாக இருக்கும் ஜாஸ் இசையும் கலக்குகிறது.
இதையெல்லாம் அதிகமாக விவரிக்கக் கூடாது. பார்த்து ரசியுங்கள்!
படத்தில் அடிக்கடி பயன்படுத்தப்படும் ஒரு இசை பீஸ் ஒன்று கீழே (படத்தில் வரும் காட்சி அல்ல)
தொகுக்கப்பட்ட பக்கம்: திரைப்படங்கள்
தொடர்புடைய சுட்டி: ஐஎம்டிபி குறிப்பு
சிலிகான் ஷெல்ஃப் 