Skip to content

ஆ. மாதவனுக்கு சாஹித்ய அகடமி விருது

by மேல் திசெம்பர் 21, 2015

aa. madhavanஇந்த வருஷத்துக்கான சாஹித்ய அகடமி விருது ஆ. மாதவனுக்குக் கிடைத்திருக்கிறது. வரவர அகடமி திருந்திவிட்டாற்போல இருக்கிறது. தேர்ந்தெடுத்த ஜூரிகள் நாஞ்சில், (சிலம்பொலி? பேராசிரியர்) செல்லப்பன், சிற்பி பாலசுப்ரமணியம். எனக்கென்னவோ இது நாஞ்சிலின் கைங்கர்யம் என்றுதான் தோன்றுகிறது. 🙂

அவரது இலக்கியச் சுவடுகள் என்ற கட்டுரை நூலுக்கு கொடுக்கப்பட்டிருக்கிறதாம். மூன்று வருஷங்களுக்கு முன் வெளியான படைப்புக்குத்தான் விருது தரப்பட வேண்டும் என்ற விதி இருப்பதால் இந்தப் புத்தகத்துக்கு என்று அறிவித்திருக்கிறார்களாம். அவரது சிறுகதைகள் – குறிப்பாக ‘கடைத்தெரு கதைகள்‘ – மற்றும் இரண்டு நாவல்கள் – கிருஷ்ணப்பருந்து (1982), புனலும் மணலும் (1974) – ஆகியவைதான் அவரது முக்கியமான படைப்புகள் என்று நினைக்கிறேன்.

நான் கிருஷ்ணப்பருந்தை ஒரு பத்து வருஷங்களுக்கு முன்னால் நிறைய தேடி இருக்கிறேன், கிடைக்கவே இல்லை. திலீப்குமாரின் கடையில் கூட கிடைக்கவில்லை. நண்பர்களிடமும் கிடைக்கவில்லை. இன்று வரை படிக்க முடியவில்லை. இந்த விருதுக்கு அப்புறமாவது அவரது புத்தகங்கள் மீண்டும் பதிக்கப்பட வேண்டும்.

நானெல்லாம் மாதவனின் எழுத்துக்களை இணையத்தில் அங்கொன்றும் இங்கொன்றுமாகப் படித்ததுதான். அவரது நாயனம் சிறுகதை பரவலாகப் பேசப்படும் ஒன்று. ஜெயமோகனது சிறுகதைப் பரிந்துரைகளில் இதுவும் ஒன்று, ஆனால் இப்போதெல்லாம் அந்தப் பட்டியல் மீது எனக்கு முழு நம்பிக்கை இல்லை. என் சீர்தூக்கிப் பார்த்தலில் அடிப்படையில் நான் இந்தச் சிறுகதையைப் பரிந்துரைக்கிறேன். ஆனால் நான் எனது டாப் நூறு தமிழ்ச் சிறுகதைகள் என்று தொகுத்தால் அதில் வராது.

அவரது இன்னும் இரண்டு சிறுகதைகள் – பாச்சி, சாத்தானின் திருவசனம் – அழியாச்சுடர்கள் தளத்தில் கிடைக்கின்றன. இன்னொரு சிறுகதை – திருடன் – அவரது தளத்தில் கிடைக்கிறது. எல்லாவற்றையும் நான் பரிந்துரைக்கிறேன்.

முதல் விஷ்ணுபுரம் விருது பெற்றவரும் மாதவன்தான்.

மாதவனுக்கு ஒரு தளமும் இருக்கிறது. ஜெயமோகன் அவரை பேட்டி கண்டது, நாஞ்சில் கிருஷ்ண்ப்பருந்தைப் பற்றி எழுதி இருப்பது, வேதசகாயகுமார் அவரது சிறுகதைகளைப் பற்றி எழுதிய கட்டுரை ஒன்று, எஸ்ராவின் கட்டுரை ஒன்று என்று பல சுவாரசியமான பதிவுகள் அங்கே கிடைக்கின்றன.

தெலுங்கில் வோல்கா பரிசு பெற்றிருக்கிறார். வோல்காவின் பேரையாவது நான் கேட்டிருப்பது கௌரி கிருபானந்தனின் புண்ணியத்தில்தான். கௌரி அவரைப் பற்றி எழுதிய அறிமுகக் கட்டுரைதான் அடுத்த பதிவு.

தொகுக்கப்பட்ட பக்கம்: ஆ. மாதவன் பக்கம், விருதுகள்

Advertisements

From → Aa. Madhavan, Awards

8 பின்னூட்டங்கள்
  1. Balaji permalink

    So another award given to a work that doesn’t deserve it?

    Like

    • பாலாஜி, இலக்கியச் சுவடுகள் தேறுமா தேறாதா என்று எனக்கு சுத்தமாக ஐடியா இல்லை.

      Like

  2. Sir, krishna parunthu reprint by thamizhini, chennai available

    Like

    • அன்புள்ள செல்வராஜ், என்னை எதற்கு சார் மோர் என்றெல்லாம் அழைக்கிறீர்கள்? தகவலுக்கு நன்றி, அடுத்த முறை சென்னை செல்லும்போது தவறாமல் தமிழினியை எட்டிப் பார்க்க வேண்டும்.

      Like

  3. //தேர்ந்தெடுத்த ஜூரிகள் நாஞ்சில், (சிலம்பொலி?) செல்லப்பன், சிற்பி பாலசுப்ரமணியம். //

    சிலம்பொலி செல்லப்பன் அல்ல.

    டாக்டர் க.செல்லப்பன். இவர், ஆங்கிலப் பேராசிரியர். சென்னை மாநிலக்கல்லூரி, பாரதிதாசன் பல்கலைக்கழகம் ஆகியவற்றில் பணியாற்றியவர்.

    நிறைய ”செல்லப்பன்”கள் இருப்பதால் குழப்பம் வருவது சகஜம் தான். 😉

    க.செல்லப்பன் என்று வேறு ஒருவரும் இருக்கிறார். பாரி நிலையம் செல்லப்பன். இவர் நாஞ்சில்நாடனின் தலைகீழ்விகிதங்கள் நூல் பரவலாகப் பலரைச் சென்றடையக் காரணமானவர்.

    Like

    • ரமணன், திருத்தியதற்கு நன்றி! நாஞ்சில் சாஹித்ய அகடமி பரிசை வென்றிருக்கிறார், ஜூரி ஆனார். இந்தப் பேராசிரியரும் சிற்பி பாலசுப்ரமணியமும் எப்படி ஜூரி ஆனார்கள் என்று புரியவே இல்லை. பேராசிரியராக இருப்பதுதான் தகுதி என்றால் எம்.ஏ. சுசீலா மாதிரி மொழிபெயர்ப்பாளர், பேராசிரியை எல்லாம் ஜூரி ஆகலாமே!

      Like

  4. G.Sundar permalink

    சிற்பி பாலசுப்ரமணியமும் சாகித்திய அகாதமி விருது வென்றிருக்கிறார்.

    Like

    • சிற்பியும் சாஹித்ய அகடமி விருது பெற்றிருக்கிறார் என்ற தகவலுக்கு நன்றி, சுந்தர்!

      Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: