ஹசீன் தில்ரூபா திரைப்படத்தின் முடிச்சு

நெட்ஃப்ளிக்ஸில் டப்ஸி பன்னு நடித்து ஹசீன் தில்ரூபா என்ற திரைப்படம் வெளியாகி இருக்கிறது.

திரைப்படத்தின் முடிச்சு ரொவால்ட் டால் எழுதிய ஒரு சிறுகதைதான் – Lamb to the Slaughter (1953) சிறுகதையைப் படித்தபோது பத்தோடு பதினொன்று என்றுதான் தோன்றியது. ஆனால் டாலின் எழுத்து திரைப்படமாக்க எப்போதும் ஏற்றது. மடில்டா, Fantastic Mr. Fox, ஏன் நினைத்தாலே இனிக்கும் திரைப்படத்தில் பூர்ணம் விஸ்வநாதன் ரஜினிகாந்தோடு ஜெயித்தால் கார், தோற்றால் கட்டைவிரலை வெட்டிவிடுவேன் என்று வைக்கும் பந்தயக் காட்சி (Man from the South)என்று பல சொல்லலாம். இந்தத் திரைப்படத்தில் இந்திய சூழ்நிலைக்கேற்ற மசாலா கலந்து நன்றாக வந்திருக்கிறது. கதையை சொல்லிவிட விரும்பவில்லை, ஆனால் நம்பகத்தன்மை குறைவான காட்சிகள் கூட உறுத்தவில்லை.  டப்ஸி, நாயகன் விக்ராந்த் மாஸ்ஸி, நாயகனின் அம்மாவாக நடிப்பவர் கலக்கி இருக்கி இருக்கிறார்கள்.

ரொவால்ட் டாலின் படைப்புகளில் தவறவே விடக்கூடாதது BFG.

திரைப்படத்தைப் பாருங்கள் என்று பரிந்துரைக்கிறேன். முடிந்தால் சிறுகதையையும் படித்துப் பாருங்கள்.

தொகுக்கப்பட்ட பக்கம்: உலகப் புனைவுகள், திரைப்படங்கள்