ஆஸ்டரிக்ஸ்-ஓபலிக்ஸ் (ஓவியர் உடர்சோவுக்கு அஞ்சலி)

ஒரு காலத்தில் சித்திரங்களை மட்டும் வரைந்தவரும் காசினியின் மறைவுக்குப் பிறகு எழுதவும் செய்தவருமான உடர்சோவும் மறைந்தார். அஞ்சலியாக இதை மீள்பதித்திருக்கிறேன்.

asterixஎனக்குப் பிடித்த காமிக்ஸ்களில் ஆஸ்டரிக்சுக்கு முக்கியமான இடம் உண்டு. அருமையான சித்திரங்கள்; ஜாலியான ஃபார்முலா; சிறப்பான வார்த்தை விளையாட்டு. கதைகளை காசின்னி என்பவர் எழுத சித்திரங்களை உடர்சோ வரைந்திருக்கிறார். Asterix in Belgium புத்தகத்தை எழுதும்போது காசின்னி இறந்துவிட, அதற்குப் பிறகு உடர்சோவே கதைகளையும் எழுதத் தொடங்கினார். இருவரும் சேர்ந்து படைத்த புத்தகங்கள் என் கண்ணில் சிறந்தவை. உடர்சோ மட்டுமே எழுதி சித்திரமும் வரைந்த பல பிற்கால புத்தகங்களைத் (How Obelix Fell into the Magic Potion When He Was a Little Boy, Asterix and the Vikings, Asterix and Obelix’s Birthday: The Golden Book) தவிர்க்கலாம். இப்போது ஃபெர்ரி-கான்ராட் இணைந்து ஒரு புத்தகத்தை இரண்டு புத்தகங்களை எழுதி இருக்கின்றனர். (Asterix and the Picts, Asterix and the Missing Scroll).

டெரக் ஹாக்ரிட்ஜ் மற்றும் அந்தீயா பெல்லின் ஆங்கில மொழிபெயர்ப்பைக் குறிப்பிட்டுச் சொல்ல வேண்டும். பல முறை இந்த வார்த்தை சிலேடைகள் எல்லாம் ஃப்ரெஞ்சு மொழியில் உள்ளவைதானா, அல்லது இவரது சொந்தச் சரக்கா என்று வியக்க வைக்கிறார்.

ஆஸ்டரிக்ஸ் சீரிசின் பின்புலம் சிம்பிளானது. ஒரு கஷாயத்தைக் குடித்தால் எல்லாருக்கும் அசுர பலம் வந்துவிடும், அதனால் காலைக் (Gaul) கைப்பற்றிய ஜூலியஸ் சீசரால் ஆஸ்டரிக்ஸும் அவனது நண்பர்களும் வாழும் இந்த கிராமத்தை மட்டும் வெல்ல முடிவதில்லை, ஆஸ்டரிக்சின் நெருங்கிய நண்பன் ஓபலிக்ஸ் மட்டும் இந்தக் கஷாயத்தைக் குடிக்கக் கூடாது, ஏனென்றால் அவன் சிறுவனாக இருக்கும்போது மருந்து அண்டாவிலேயே விழுந்துவிட்டான் என்ற சிம்பிளான ஃபார்முலாவை வைத்துக் கொண்டு ஒரு கலக்கு கலக்கி இருக்கிறார்கள். கிராமத் தலைவன் வைட்டல்ஸ்டாடிஸ்டிக்ஸ், மந்திரவாதி கெட்டஃபிக்ஸ், சகிக்க முடியாமல் பாடும் காகஃபோனிக்ஸ், கடல் கொள்ளையர்கள் என்று சின்ன சின்ன பாத்திரங்களும் சிறப்பாக இருக்கும். ஐரோப்பிய நாடுகளைப் பற்றி பரவலாக இருக்கும் எண்ணங்களை வைத்து கிண்டல் அடிப்பார்கள். உதாரணமாக கார்சிகாவில் பழி வாங்குவார்கள், வைகிங்குகள் எதற்கும் பயப்படுவதில்லை, ஆங்கிலேய சமையல் சகிக்காது, சுவிட்சர்லாந்துக்காரர்கள் பணத்தில் கெட்டி இந்த மாதிரி.

பல பல சின்ன சின்ன பாத்திரங்கள் மீண்டும் மீண்டும் வருவதாலேயே சிரிப்பை வரவழைக்கிறார்கள். இவர்கள் கடலில் போகும்போதெல்லாம் கடற்கொள்ளையர் கப்பல் ஒன்று எதிர்ப்படும். ஆஸ்டரிக்ஸ்-ஓபலிக்ஸ் கப்பலை ஒவ்வொரு முறையும் உடைப்பதால் இரண்டு மூன்று முறைக்குப் பின் இந்த இருவரும் கண்ணில் பட்டால் போதும், கடற்கொள்ளையர்கள் தப்பிக்க முயற்சி செய்வார்கள். ஒவ்வொரு முறையும் வேறு ஏதாவது நடக்கும், கப்பல் உடையும். காகஃபோனிக்ஸ் பாட்டு பாடினால் கடவுளராலேயே தாங்க முடியாது, மீன் விற்கும் அன்ஹைஜீனிக்ஸ் கடையில் உள்ள மீன் எப்போதுமே வீச்சம் அடிக்கும் பழைய மீன் என்று சில standard motifs உண்டு.

ஆஸ்டரிக்ஸ்-ஓபலிக்ஸ் கதாபாத்திரங்கள் 3 Musketeers புத்தகத்தை ரோல் மாடலாக வைத்து உருவாக்கப்பட்டவையோ என்று எனக்கு ஒரு சந்தேகம் உண்டு. அராமிஸ்-ஆஸ்டரிக்ஸ், போர்த்தோஸ்-ஓபலிக்ஸ், கெடஃபிக்ஸ்-அதோஸ்?

எனக்கு மிகவும் பிடித்த புத்தகங்கள் Asterix and the Goths (1963), Asterix the Gladiator (1964), Asterix and the Banquet (1965), Asterix the Legionary (1967), Asterix and the Chieftain’s Shield (1968), Asterix and the Olympic Games (1968), Asterix and the Cauldron (1969), Asterix and the Roman Agent (1970), Asterix and the Laurel Wreath (1972), Asterix and the Soothsayer (1972), மற்றும் Obelix and Co. (1976). ஒரே ஒரு புத்தகம் படிக்க வேண்டுமென்றால் நான் பரிந்துரைப்பது Legionary. இதில் சீசரின் படையில் ஆஸ்டரிக்சும் ஓபலிக்சும் சேருவார்கள். அவர்களுடன் படையில் இருக்கும் ஒருவனுக்கு கடைசி வரை தான் படைவீரன் என்று தெரியவே தெரியாது, ஏதோ உல்லாசப் பயணம் என்று நினைத்துக் கொண்டிருப்பான்.

மிச்சம் இருப்பவற்றில் நல்ல புத்தகங்கள் என்று நான் கருதுபவை: Asterix and the Golden Sickle (1962), Asterix and Cleopatra (1965), Asterix and the Big Fight (1966), Asterix in Britain (1966), Mansions of the Gods (1971), Asterix and the Caesar’s Gift (1974), Asterix and the Great Crossing (1975), Asterix in Belgium (1979), Asterix and the Great Divide (1980), மற்றும் Asterix and the Black Gold (1981)

எல்லா புத்தகங்களைப் பற்றியும் சிறு குறிப்புகள் கீழே.

முதல் புத்தகம் Asterix the Gaul (1961) இதில் ஓபலிக்சின் உருவம் இன்னும் முழுதாக உருவாகவில்லை. அப்போது கெடஃபிக்ஸ்தான் ஆஸ்டரிக்சோடு இணைநாயகனாக இருக்கிறார்.

Asterix and the Golden Sickle (1962) புத்தகத்தில் ஓபலிக்ஸ் முழுதாக உருவாகிவிட்டான். அவனுடைய உருவம் இன்று பார்க்கும் உருவமாக இருக்கிறது. ஆஸ்டரிக்ஸ், ஓபலிக்ஸ் இருவரும் கிராமத்தை விட்டு வெளியே போய் பிற நாடு நகரங்களை பார்க்கும் ஃபார்முலாவும் ஆரம்பம் ஆகிவிட்டது. இதில் லுடேஷியா (இன்றைய பாரிஸ்) போகிறார்கள்.

Asterix and the Goths (1963) புத்தகத்தில் ஃபார்முலா கனகச்சிதமாக அமையத் தொடங்கிவிட்டது. இன்றைய ஜெர்மனி, அன்றைய barbarian-களின் நாடு. சிலேடைகள் (எலெக்ட்ரிக் என்கிற barbarian சொல்கிறான் – I will become a general! General Electric!), Goths பேசும்போது gothic font பயன்படுத்தப்படுவது என்று சின்ன சின்ன முத்திரைகள்.

Asterix the Gladiator (1964) பிரமாதமான புத்தகம். எப்போதும் இவர்களைக் கண்டதும் ஓடிவிட முயற்சித்து தோற்கும் கடற்கொள்ளையர்கள் இதில்தான் முதலில் வருகிறார்கள் என்று நினைக்கிறேன். கர்ணகடூரமாகப் பாடும் காகஃபோனிக்சை ரோமுக்குக் கடத்த இவர்கள் இருவரும் அங்கே கொலிசியத்தில் அடிக்கும் லூட்டி ஜாலியாக இருக்கும்.

Asterix and the Banquet (1965) இன்னுமொரு சிறப்பான புத்தகம். ஃப்ரான்சின் பல ஊர்களுக்குச் சென்று அங்கங்கே என்ன உணவு ஸ்பெஷலோ அதை வாங்கி வருவார்கள்.

Asterix and Cleopatra (1965) புத்தகத்தில் கிளியோபாட்ராவுக்கும் ஜூலியஸ் சீசருக்கும் ஒரு சின்ன பந்தயம். மூன்று மாதத்திற்குள் ஒரு பெரிய மாளிகையை எகிப்தியர்களால் கட்ட முடியும் என்று கிளியோபாட்ரா பந்தயம் வைக்கிறாள். ஆஸ்டரிக்ஸ்-ஓபலிக்ஸ் உதவியால் வெல்கிறாள். கிளியோபாட்ராவின் மூக்கைப் பற்றி ஒரு inside joke போய்க்கொண்டே இருக்கும்.

Asterix and the Big Fight (1966) இன்னுமொரு நல்ல கதை. கெடஃபிக்சுக்கு அடிபட்டு கஷாயம் எப்படி செய்வது என்பது மறந்துவிடுகிறது…

Asterix in Britain (1966) தங்கள் மந்திரக் கஷாயத்தை பிரிட்டனுக்கு கொண்டுபோக முயற்சிக்கிறார்கள், ஆனால் கஷாயம் தேம்சில் கொட்டிவிடுகிறது. ஆஸ்டரிக்ஸ் அப்போது பிரிட்டனுக்கு அறிமுகப்படுத்தும் பானம் – தேனீர்! மயங்கிக் கிடக்கும் ஓபலிக்சை டவர் ஆஃப் லண்டனில் சிறைவைக்க, அவனை விடுவிக்க கீழிருந்து மேலே ஆஸ்டரிக்ஸ் போவதும், மயக்கம் தெளிந்த ஓபலிக்ஸ் கீழே வருவதும் சிறப்பான காட்சி.

Asterix and the Normans (1966) புத்தகத்தில் நார்வேகாரர்களுக்கு பயம் என்றால் என்னவென்றே தெரியாது. அதைத் தெரிந்து கொள்ள இவர்கள் ஊருக்கு வருகிறார்கள். காகஃபோனிக்ஸ் பாட்டு அவர்களையும் பயப்படுத்துகிறது.

Asterix the Legionary (1967) என்னுடைய ஃபேவரிட் இதுதான். சீசரின் படையில் ஆஸ்டரிக்சும் ஓபலிக்சும் சேருகிறார்கள். படையின் நியதிகளை இவர்கள் கையாளும் விதம் பிரமாதம்!

Asterix and the Chieftain’s Shield (1968) இன்னுமொரு க்ளாசிக். தோற்ற கால் (Gaul) அரசனின் கேடயத்தைத் தேடிப் போகிறார்கள்.

Asterix and the Olympic Games (1968) புத்தகத்தில் ஒலிம்பிக்ஸில் கலந்து கொள்கிறார்கள். ஆனால் அவர்களின் ஸ்பெஷல் மருந்து performance enhancing drug ஆயிற்றே! என்ன நடக்கிறது என்பதுதான் கதை.

Asterix and the Cauldron (1969) இன்னொரு பிரமாதமான கதை. பணம் சம்பாதிக்க ஆஸ்டரிக்சும் ஓபலிக்சும் அடிக்கும் லூட்டிகள் – சந்தையில் வாய்க்கு வந்த விலைக்கு மாமிசம் விற்பது, பாங்க் கொள்ளை, வித்தை காட்டுவது என்று கலக்குவார்கள். ஒரு காட்சியில் ரோமன் ராணுவ முகாமுக்கு சென்று பணம் பணம் என்று அலறுவார்கள். சம்பளம்தான் வந்துவிட்டது என்று வீரர்கள் அலைமோத, பணம் எங்கே என்று இவர்கள் கேட்க, ராணுவத்தில் சேர பணம் நாங்கள் தர வேண்டுமா என்று வீரர்கள் அலுத்துக் கொள்வது அபாரம்!

Asterix in Spain (1969) சுமார்தான். ஸ்பெயினில் சீசரை எதிர்க்கும் ஒரு தலைவனின் குழந்தையை சீசரின் வீரர்கள் கடத்திவிடுகிறார்கள். ஆஸ்டரிக்சும் ஓபலிக்சும் குழந்தையைத் திருப்பிக் கொண்டு வந்துவிடுகிறார்கள்.

Asterix and the Roman Agent (1970) – மிகச் சிறந்த புத்தகங்களில் ஒன்று. ரோமானிய ஒற்றன் ஆஸ்டரிக்சின் கிராமத்தில் பொறாமையை கிளப்புகிறான்.

Asterix in Switzerland (1970) – இந்த முறை ஒரு பூவை – edelweiss – பறிக்க ஸ்விட்சர்லாந்து வரை போகிறார்கள். சுமார்தான்.

Mansions of the Gods (1971) புத்தகத்தில் இவர்கள் வாழும் காட்டை அழித்து அங்கே ஒரு பல மாடிக் குடியிருப்பைக் கட்ட முயற்சிக்கிறார்கள்.

Asterix and the Laurel Wreath (1972) எனக்குப் பிடித்த இன்னொரு புத்தகம். சீசர் தன் தலையில் அணியும் லாரல் மலர் வளையத்தைக் கொண்டு வர ரோம் செல்கிறார்கள். அங்கே சீசரின் மாளிகையில் வேலை செய்ய தங்களை அடிமைகளாக விற்றுக் கொள்கிறார்கள், நீதிமன்றத்தில் வாதாடி கொலிசியத்தில் மிருகங்களோடு போரிட்டு மடிவதற்கான தண்டனையைப் பெற்றுக் கொள்கிறார்கள்…

Asterix and the Soothsayer (1972) மிகச் சிறப்பான புத்தகம். போலி நிமித்திகன் தான் போலிதான் என்பதை நிறுவ படாதபாடு படுகிறான்!

Asterix in Corsica (1973) – கார்சிகாவில் பெருகுடும்பங்களுக்கு (clan) இடையே மாறாத பழிவாங்கல் (vendetta) என்பதை மட்டும் வைத்து ஒரு புத்தகம். சிறப்பான அம்சம் கடற்கொள்ளையர்கள்தான்.

Asterix and the Caesar’s Gift (1974) சீசரின் குசும்புத்தனம் – தன் வசம் இல்லாத இவர்கள் கிராமத்தை ஒரு குடிகார வீரனுக்கு பரிசாக அளிக்கிறார். கிராமத் தலைவனுக்கு எதிராக வேறு போட்டியாளர்கள் கிளம்புகிறார்கள்.

Asterix and the Great Crossing (1975) இந்த முறை வழி தவறி அமெரிக்காவுக்குப் போய்விடுகிறார்கள். அங்கே வரும் ஒரு வைக்கிங் கப்பலோடு திரும்புகிறார்கள்.

Obelix and Co. (1976) இன்னுமொரு சிறப்பான புத்தகம். ஓபலிக்ஸ் உருவாக்கும் பெரிய பாறை மென்ஹிர்களுக்கு செயற்கையான demand-ஐ ஏற்படுத்தி கிராமத்தைப் பிரிக்க ஒரு ரோமன் பொருளாதார நிபுணர் எடுக்கும் முயற்சிகள்தான் நாவல். நவீன பொருளாதார தத்துவங்களை – Supply and Demand, Market Economics, Division of Labor, பணவீக்கம், விளம்பரங்கள் மூலம் உருவாக்கப்படும் சந்தை – சகட்டுமேனிக்கு கிண்டல் அடிப்பார்கள்.

Asterix in Belgium (1979) – பெல்ஜிய நாட்டவர்கள்தான் தான் போரிட்டவர்களில் பெரிய வீரர்கள் என்று ஜுலியஸ் சீசர் சொன்னாராம். தாங்கள் யார்க்கும் சளைத்தவர்கள் இல்லை என்று கிராமத் தலைவர் வைடல்ஸ்டாடிஸ்டிக்ஸ் கிளம்புகிறார். இதை எழுதும்போது காசின்னி இறந்துவிட உடர்சோ மிச்ச புத்தகத்தை முடித்திருக்கிறார்.

Asterix and the Great Divide (1980) இடது வலதுசாரி கட்சிகளைப் பற்றி நக்கல்கள், ரோமியோ ஜூலியட் motif, என்று ஜாலியாகப் போகும்.

Asterix and the Black Gold (1981) புத்தகத்தில் பெட்ரோலியம் தேடப் போகும் இவர்கள் பல யூதர்களை (இன்றைய இஸ்ரேல்) சந்திக்கிறார்கள். ஜாலியாகப் போகும்.

Asterix and Son (1983) இந்த முறை சீசரின் மகனை ஆஸ்டரிக்சும் ஓபலிக்சும் பாதுகாக்கிறார்கள்!

Asterix and the Magic Carpet (1987) – இந்திய விஜயம்! இந்தியாவைப் பற்றி இத்தனை cliches இருப்பதைப் பார்க்கும்போதுதான் பிற நாடுகளைப் பற்றி எழுதி இருப்பதில் எத்தனை cliche-க்களோ என்று தோன்றுகிறது. சுமார்.

How Obelix Fell into the Magic Potion When He Was a Little Boy (1989) – தவிர்க்கலாம்.

Asterix and the Secret Weapon (1991) ஜாலியாகப் போகும் இன்னொரு புத்தகம். பெண்கள் புரட்சி!

Asterix and Obelix All at Sea (1996) சுமார்தான். ஸ்பார்டகஸ், அட்லாண்டிஸ் தீவு எல்லாம் வருகிறது. இதில் ஓபலிக்ஸ் கடைசியாக தன் நீண்ட நாள் ஆசையான கஷாயத்தைக் குடிக்கிறான். குடிப்பவர்கள் உடலை கல் போல உறுதியாக்கும் கஷாயம் இவன் உடலை கல்லாகவே ஆக்கிவிடுகிறது!

Asterix and the Actress (2001) எல்லாம் சுமார்தான். ஓபலிக்ஸ் காதலிக்கும் பானசியாவாக ஒரு நடிகை நடிக்கிறாள்.

Asterix and the Class Act (2003) பல சின்னச் சின்னக் கதைகளின் தொகுப்பு. தவிர்க்கலாம்.

Asterix and the Falling Sky (2005) சுமார். வேற்று கிரகவாசிகள் கஷாயத்தைத் தேடி வருகிறார்கள். தவிர்க்கலாம்.

Asterix and the Vikings (2006) – தவிர்க்கலாம்.

Asterix and Obelix’s Birthday: The Golden Book (2009) – தவிர்க்கலாம்.

Asterix and the Picts (2013) – இந்த முறை ஸ்காட்லாண்ட், லோக் நெஸ் மான்ஸ்டர்…

Asterix and the Missing Scroll (2015) புதிய டீம் ஒன்று எழுதி இருக்கிறது. ஃபெர்ரி எழுதி, கான்ராட் சித்திரம் வரைந்திருக்கிறார். பரவாயில்லை…

பிள்ளைகளுக்கு வாங்கிக் கொடுங்கள் என்று பரிந்துரைக்கிறேன். (ஆனால் என் பெண்கள் அவ்வளவு ரசிக்கவில்லை…)

தொகுக்கப்பட்ட பக்கம்: காமிக்ஸ்

காமிக்ஸ்: க்ரான்ட் ஸ்னைடர்

சாம்பிளுக்கு ஒன்று கொடுத்திருக்கிறேன். தளத்தில் பக்கங்களைப் புரட்டிக் கொண்டே இருக்கிறேன்.சித்திரமும் சரி, கருத்தும் சரி, truly enjoyable! கட்டாயம் பாருங்கள்…

தொகுக்கப்பட்ட பக்கம்: காமிக்ஸ்

மதன் ஜோக்ஸ்

(மீள்பதிவு)

ஆனந்த விகடன் ஜோக்ஸ் அவற்றோடு சேர்ந்த சித்திரங்களுக்கு ஒரு பாரம்பரியம் இருந்தது. நாற்பதுகளில் மாலியிலிருந்து ஆரம்பித்த அந்த பொற்காலத்தின் கடைசி கண்ணி மதன். என் தலைமுறையினர் பலருக்கு விகடன் என்றால் சுஜாதா தொடர்கதை மற்றும் மதன் ஜோக்ஸ், கார்ட்டூன்கள்தான்.

மதன் எழுதிய இன்னொரு சுவாரசியமான புத்தகம் வந்தார்கள் வென்றார்கள். என்னைக் கேட்டால் சரித்திரப் பாடப் புத்தகங்களுக்கு பதிலாக இதை எல்லாம் பள்ளிகளில் படிக்கலாம். எல்லாரும் வரலாற்றை விரும்பிப் படிப்பார்கள்! Enough said.

ஆனால் மனிதனுக்குள் ஒரு மிருகம் எல்லாம் வன்முறையை sensationalize செய்யும் தண்டப் புத்தகம்.

பாஸ்டன் பாலாவின் தளத்தில் பார்த்த பழைய பதிவுகளிலிருந்து (பதிவு 1, பதிவு 2). வசதிக்காக இங்கே ஜோக்குகளை கட்-பேஸ்ட் செய்திருக்கிறேன்.

madhan_jokes_rettai_vaal_rengudu_1

madhan_jokes_rettai_vaal_rengudu_2

madhan_jokes_rettai_vaal_rengudu_3

madhan_jokes_rettai_vaal_rengudu_4

madhan_jokes_rettai_vaal_rengudu_5

madhan_jokes_rettai_vaal_rengudu_6

madhan_jokes_rettai_vaal_rengudu_7

madhan_jokes_rettai_vaal_rengudu_8

madhan_jokes_siripputh_thirudan_singaravelu

madhan_jokes_munjakkirathai_mutthana

madhan_jokes_politics_1

madhan_jokes_politics_2

madhan_jokes_politics_3

madhan_jokes_politics_4

madhan_jokes_politics_5

madhan_jokes_politics_6

madhan_jokes_kaccheri

தொகுக்கப்பட்ட பக்கம்: காமிக்ஸ்

தொடர்புடைய சுட்டி: ரெங்கசுப்ரமணியின் மதன் ஜோக்ஸ் தொகுப்பு

சித்திர ராமாயணம்

1936-இல் எழுதப்பட்ட – எழுதப்பட்ட என்றால் சரியாக இல்லை, உருவாக்கப்பட்ட புத்தகம் ஒன்று கிடைத்தது. ராமாயணம் வெகு சுருக்கமாக எழுதப்பட்டிருக்கிறது. ஆனால் புத்தகத்தில் முக்கால்வாசி சித்திரங்கள்தான். எனக்கு மிகவும் பிடித்திருந்தது. இணைத்திருக்கிறேன், பாருங்கள் என்று பரிந்துரைக்கிறேன். சாம்பிளுக்கு இரண்டு பக்கம் கீழே.

முதல் பக்கம்

லங்காதகனம்

தொகுக்கப்பட்ட பக்கம்: தொன்மங்கள், காமிக்ஸ்

1+1 = ? – ஒரு கணித மேதையின் பிரச்சினைகள்

logicomixஒன்றும் ஒன்றும் இரண்டு என்று தெரியாத குழந்தை கூட கிடையாது. ஆனால் உயர்கணிதத்தில் அது பெரிய பிரச்சினை. ஒன்றும் ஒன்றும் எப்போதும் இரண்டுதானா? டைனோசார்கள் உலவிய நாட்களிலும் ஒன்றும் ஒன்றும் இரண்டுதானா? இன்னும் பல கோடி ஆண்டுகள் கழித்தும் இதே விடைதானா? செவ்வாய் கிரகத்தில் ஒன்றையும் ஒன்றையும் கூட்டினால் இரண்டுதான் விடையா? நாளை இன்னொரு கிரகத்தின் ‘sentient’ ஜீவராசி ஒன்றை சந்திக்கிறோம் என்று வைத்துக் கொள்ளுங்கள், அந்த ஜீவராசியின் கணிதத்திலும் ஒன்றும் ஒன்றும் இரண்டுதானா? அட நாளை நம்மூரிலேயே தேனீக்களும் ‘sentient’ உயிரினம்தான் என்று தெரிய வருகிறது, தேனீ கணிதத்திலும் இது உண்மையாக இருக்குமா?

இது வேலை வெட்டி இல்லாதவர்கள் How many angels can dance on the head of a pin? என்று செய்யும் ஆராய்ச்சி அல்ல. இன்றைய கணினிகளில் 1+1 எப்போதும் இரண்டுதான், ஆனால் 1/3 + 2/3 எப்போதும் ஒன்றுதான் என்று சொல்ல முடியாது. சில வருஷங்களுக்கு முன் pentium bug என்று ஒரு பிரச்சினை நினைவிருக்கலாம். ஏதோ சில (அபூர்வமான) கணக்குகள் தவறாக இருந்தன. ஏன்? எண்களை கணினியில் எப்படி represent செய்ய முடியும் என்ற பிரச்சினை இன்றும் முழுதாகத் தீர்ந்துவிடவில்லை.

பெர்ட்ரண்ட் ரஸ்ஸலை தத்துவ மேதையாகத்தான் அனேகருக்குத் தெரியும். ரஸ்ஸல் கணித மேதையும் கூட. அவரது தத்துவ விசாரங்கள் எல்லாம் அவருடைய கணித ஆராய்ச்சியிலிருந்து உதித்தவைதான். ரஸ்ஸலும் வைட்ஹெடும் இணைந்து எழுதிய பிரின்சிபியா மாதமாடிகா 1+1 = 2 என்பதை 362 பக்கங்களில் – கணித சூத்திரங்கள் (formulae) அடர்த்தியாக நிறைந்திருக்கும் பக்கங்கள் – நிறுவுகிறது.

லாஜிகாமிக்ஸ் ஏறக்குறைய ரஸ்ஸலின் கதைதான். Apostolos Doxiadis மற்றும் Christos Papadimitriou இருவரும் எழுதி இருக்கிறார்கள். எப்படி? காமிக்ஸ் புத்தக வடிவில்! காமிக்ஸ் புத்தக வடிவில் ஓரளவு உயர்கணிதத்தைப் பற்றி எழுதப்பட்டது இதுதான் முதல் முறை ஒரே முறை என்று நினைக்கிறேன்.

யோசித்துப் பாருங்கள், 1+1 = 2 என்பது பெரிய கம்ப சூத்திரமாகத் தெரியவில்லை. ஆனால் 1 என்ற குறியீட்டின் பொருள் என்ன? +? இப்படியே பொருள் தேடிக் கொண்டே போனால் It is turtles all the way down! என்றுதான் முடியும் இல்லையா? எங்கோ ஓரிடத்தில் வரையறைகளை (axioms) பயன்படுத்த வேண்டி இருக்கிறது, இந்தக் குறியீட்டுக்கு இதுதான் பொருள் என்று வரையறுக்க வேண்டி இருக்கிறது. உதாரணமாக 1 என்பதை ஒரே ஒரு உறுப்பினர் இருக்கும் அனைத்து தொகுப்புகளுக்கும் பொதுவான அடிப்படை குணம் என்று ரஸ்ஸல் வரையறுக்கிறார். ஆங்கிலத்தில் சொன்னால் 1 is the common, basic property of all sets with exactly one element. (விருப்பமுள்ளவர்கள் இந்த வாக்கியத்திலும் ஒவ்வொரு வார்த்தையையும் வரையறுத்துக் கொண்டே போகலாம்.). பிறகு எண்களைப் பற்றி தேற்றங்களை நிறுவுவதற்கு கணிதத்தின் set theory-ஐப் பயன்படுத்தலாம். அப்படித்தான் 1+1 = 2 என்று நிறுவ 362 பக்கம் ஆகி இருக்கிறது என்று நினைக்கிறேன்.

bertrand_russellரஸ்ஸல் பிரபு குடும்பத்தில் பிறந்தவர். அவரது தாத்தா ரஸ்ஸல் பிரபு இங்கிலாந்தின் பிரதமராக இருந்தவர். சிறு வயதிலேயே பெற்றோர் இறந்துவிட, கண்டிப்பான பாட்டியின் கண்காணிப்பில் வளர்ந்திருக்கிறார். கணிதத்தின் நிச்சயத்தன்மை (வரையறைகள், வரையறைகளிலிருந்து தேற்றங்கள்…) அவரைக் கவர்ந்திருக்கிறது. ஆனால் கல்லூரி காலத்திலேயே கணிதத்தின் அஸ்திவாரங்கள் (ஒன்றும் ஒன்றும் எப்போதும் இரண்டுதானா?) கொஞ்சம் பலவீனமானவை என்று உணர்ந்திருக்கிறார். சரியான அடிப்படை விதிகளைக் கொண்டு (தேவைப்பட்டால் இன்னும் சில அடிப்படை விதிகளை சேர்த்துக் கொண்டாவது) எல்லா உண்மையான தேற்றங்களையும் நிறுவும் ஆற்றல் கணிதத்துக்கு உண்டு என்று நிறுவ முயன்றிருக்கிறார்.  அந்த முயற்சிதான் Principia Mathematica.

இந்தக் காலத்தில்தான் அவரது புகழ் பெற்ற நாவிதர் முரண் (Barber Paradox ) உருவாகியது. மிக சிம்பிளாக: ஒரு ஊரில் ஒரு நாவிதர். ஊரில் ஒரு விதி இருக்கிறது. சுயமாக தாடியை சிரைத்துக் கொள்ளாத அனைவரும் நாவிதரிடம்தான் சிரைத்துக் கொள்ள வேண்டும். நாவிதர் தன் தாடியை சிரைத்துக் கொள்ளலாமா? ஆம் என்றால் அவர் தன் தாடியை தானே சிரைத்துக் கொள்கிறார், அதனால் நாவிதர் சிரைக்கக் கூடாது என்று சொல்லலாம். இல்லை என்றால் அவர் தன் தாடியேத் தானே சிரைத்துக் கொள்ளாததால் நாவிதர்தான் சிரைத்துவிட வேண்டும் என்று சொல்லலாம்.

முதல் உலகப் போர் கூடாது என்று பிரச்சாரம் செய்து அதற்காக சிறைப்படுத்தப்பட்டிருக்கிறார்.

பிற்காலத்தில் தத்துவ மேதை விட்கென்ஸ்டைன் இவரிடம் படித்திருக்கிறார். விட்கென்ஸ்டைன் சுவாரசியமான ஆளுமை, ஆனால் இன்று வரை எனக்கு அவர் என்ன சொல்கிறார் என்று புரிந்ததில்லை, அதனால் வேறு எதுவும் எழுதப் போவதில்லை. விருப்பம் உள்ளவர்கள் விக்கி குறிப்பைப் படித்துக் கொள்ளுங்கள்.

அதற்குப் பிறகு கர்ட் கோடல் ஆட்டத்துக்கு வருகிறார். வரையறைகள், தேற்றங்கள், லாஜிக் என்று இயங்கும் எந்த கணித சிஸ்டமும் முழுமையானது அல்ல என்பதை கணிதத்தை வைத்தே நிறுவுகிறார். ரஸ்ஸலின் முயற்சி தோல்வி என்று தெரிகிறது.

எப்போதுமே நான் காமிக்ஸ் புத்தகங்களை விரும்பிப் படிப்பவன். இதில் சித்திரங்கள் நன்றாக இருக்கின்றன. புத்தகத்தின் நடுவில் ஆசிரியர்கள் அவ்வப்போது தாங்கள் எப்படி எழுதினோம் என்பதைப் பற்றி பேசுகிறார்கள். அந்தப் பகுதிகள் கொஞ்சம் உறுத்தலாக இருந்தாலும் படியுங்கள் என்று பரிந்துரைக்கிறேன்.

புத்தகம் முழுவதும் சின்னச் சின்ன சுவாரசியமான விஷயங்கள். Principia Mathematica புத்தகத்தை பிழை திருத்தவோ, அதில் தவறுகளை சுட்டிக் காட்டவோ யாரும் முன்வரவில்லை. யாருக்கும் புரியவில்லை! பிழை திருத்தவே ஆளில்லை என்றால் புத்தகத்தை எவன் வாங்குவான்? ரஸ்ஸலும் வைட்ஹெடும் சொந்தச் செலவில் வெளியிட்டிருக்கிறார்கள்.

இவரது முன்னோடியான ஃப்ரெகே கணிதத்தில் அஸ்திவாரத்தை பலப்படுத்த set theory-ஐப் பயன்படுத்தி பல வருஷங்களாக ஒரு புத்தகம் எழுதிக் கொண்டிருக்கிறார். தனது புத்தகத்தைப் பதிக்கப் போகும்போது இந்த நாவிதர் முரண் வெளிவந்திருக்கிறது. இந்த முரண் set theory-இன் அடிப்படையையே கேள்விக்குள்ளாக்குகிறது, ஃப்ரெகே தனது புத்தகத்தை முதலில் பதிக்க வேண்டாம் என்று சொல்லி இருக்கிறார். பிறகு என் புத்தகத்தின் அடிப்படையையே இந்த முரண் பலவீனப்படுத்துகிறது என்பதை முதல் பக்கத்தில் சொல்லிவிட்டு பிறகுதான் பதித்திருக்கிறார்.

Principia Mathematica புத்தகத்தை முழுவதும் படித்த ஒரே ஆள் கோடல்தானாம்!

உயர் கணிதத்துக்கு நல்ல, படிக்கக் கூடிய அறிமுகம். படியுங்கள் என்று பரிந்துரைக்கிறேன்.

தொகுக்கப்பட்ட பக்கம்: கணிதம், காமிக்ஸ்

டின்டின்

tintin_charactersடின்டின் காமிக்ஸை ரசித்துப் படிக்கும் வயது எட்டு ஒன்பது வயதுதான். ஆனால் இன்றும் நான் அவற்றைப் படிப்பதுண்டு. அந்த சித்திரங்களின் பரம ரசிகன் நான்.

டின்டின் கதைகள் மேலோட்டமானவைதான். அதுவும் Duex ex machina (அதிசயத் தற்செயல் நிகழ்ச்சிகள்) இந்த மாதிரி எங்கும் பயன்படுத்தப்பட்டதில்லை. தப்பிக்கவே முடியாத அபாயம் என்று வந்தால் அடுத்தபடி ஒரு அதிசயத் தற்செயல் நிகழ்ச்சி, பிழைத்துவிடுவான். எல்லா கதைகளும் – அதுவும் காலத்தால் முற்பட்ட கதைகள் – ஒரு நாட்டை ஸ்டீரியோடைப் செய்கின்றனதான். Tintin in Congo ஒரு நல்ல உதாரணம். காலனீய மனப்பான்மை நன்றாகவே தெரியும். கறுப்பர்கள் நாகரீகம் அற்ற பழங்குடிகள், ஐரோப்பியர்கள், அதுவும் மிஷனரிகள் நல்லவர்கள் என்ற மாதிரி நிறைய வரும். ரொம்ப சீரியஸாக எடுத்துக் கொள்ளாமல் படித்தால் நன்றாக இருக்கும். அன்றைய அரசியல் நிகழ்ச்சிகளைப் பற்றி (கம்யூனிச ரஷியா, ஜப்பான் சீனாவை ஆக்கிரமிப்பது, எண்ணெய் கம்பெனிகளின் அரசியல், தென்னமரிக்க நாடுகளின் “புரட்சிகள்”) ஐரோப்பிய பொது புத்தி என்ன நினைத்திருக்கும் என்று புரிந்து கொள்ளலாம். ஏறக்குறைய எல்லா புத்தகங்களும் தரமானவை, படிக்கக் கூடியவை.

நான் பரிந்துரைக்கும் புத்தகங்கள் Tintin in America, Cigars of the Pharaoh, Blue Lotus, Broken Ear, Black Island, King Ottokar’s Sceptre, Crab with the Golden Claws, Shooting Star, Secret of the Unicorn, Red Rackham’s Treasure, Land of Black Gold, Destination Moon, Explorers on the Moon, Calculus Affair, Red Sea Sharks, மற்றும் Tintin in Tibet. ஒன்றிரண்டு புத்தகங்கள்தான் படிக்க முடியுமென்றால், Tintin in America, Blue Lotus, Explorers on the Moon மற்றும் Tintin in Tibet-ஐ பரிந்துரைக்கிறேன்.

hergeகாலத்தால் முந்தைய புத்தகங்கள் கறுப்பு வெள்ளையாக வரையப்பட்டவை, பிற்காலத்தில் வண்ணம் சேர்க்கப்பட்டது. பல கதைகளை இணையத்தில் படிக்க முடிகிறது.

டின் டின் உருவான பின்புலத்தைப் பற்றி தெரிந்து கொள்ள விரும்பும் தீவிர டின் டின் விரும்பிகளுக்கு மைக்கேல் ஃபார் எழுதிய Tintin Companion புத்தகத்தைப் பரிந்துரைக்கிறேன்.

கீழே புத்தகங்களைப் பற்றிய சிறு குறிப்புகள்.

Tintin in the Land of the Soviets (1929–30) முதல் புத்தகம். இந்தப் புத்தகம் இது வரை வண்ணம் சேர்த்து வெளியிடப்படவில்லை. கம்யூனிசத்திற்கு பத்து வருஷம் முன்னால்தான் மாறிய ரஷியாவைப் பற்றி அன்று மற்ற ஐரோப்பிய நாடுகளில் என்ன நினைத்திருப்பார்கள் என்று ஒரு குறுக்குவெட்டு சித்திரம் கிடைக்கிறது.

Tintin in the Congo (1930–31) இன்று politically incorrect ஆகத் தெரியலாம். ஆனால் ஆஃப்ரிக்கர்கள் நாகரீகம் அடையாத காட்டுமிராண்டிகள் என்பது அந்தக் காலத்து பொது புத்தியாகத்தான் இருந்திருக்க வேண்டும்.

Tintin in America (1931–32) இந்தப் புத்தகத்திலிருந்து இந்த சீரிஸைப் படித்தால் போதும் என்று நான் நினைக்கிறேன். டின்டின் கதைகளின் ஃபார்முலா சரியாக உருவாகிவிட்டது. இதில் அமெரிக்காவில் சிகாகோவின் மாஃபியா, செவ்விந்தியர்கள், எண்ணெய்க் கிணறுகள், ரயில்கள் என்று எல்லாவற்றையும் கோட்டுச் சித்திரமாகக் காட்டுகிறார்.

Cigars of the Pharaoh (1932–34) புத்தகத்தில்தான் துப்பறியும் “நிபுணர்கள்” தாம்ப்சன் மற்றும் தாம்சன் அறிமுகம் ஆகிறார்கள். இந்தியா எத்தனை தூரம் ஸ்டீரியோடைப் (யானைகள், மாய மந்திரப் பக்கிரிகள், ராஜாக்கள்) ஆகிறது என்பதை நான் ரசித்தேன்.

Blue Lotus (1934–35) புத்தகத்தில் ஓபியம் விற்கும் கும்பல் ஒன்றை சீனாவில் எதிர்க்கும் டின்டின். ஜப்பானியர்களை ஆக்கிரமிப்பு சக்தியாக சித்தரித்திருப்பது உண்மைச் சம்பவங்களை வைத்து எழுதப்பட்டது.

Broken Ear (1935–37) பல சமகால சம்பவங்களை கோடிட்டுக் காட்டுகிறது. எண்ணெய்க் கம்பெனிகளான ஷெல் ஆயில் மற்றும் ஸ்டாண்டர்ட் ஆயில் பொலிவியாவுக்கும் பராகுவேக்கும் இடையில் ஒரு போரைக் கிளப்பியது, சர் பேசில் ஜஹராஃப் என்ற ஆயுத விற்பனையாளன் இரண்டு தரப்புக்கும் ஆயுதங்களை விற்பது எல்லாம் குறிப்பிடப்படுகிறது.

Black Island (1937–18) லாக் நெஸ் மான்ஸ்டர் பின்புலத்தில் எழுதப்பட்டது. ஸ்காட்லாந்துக்கு அருகே ஒரு தீவில் இருக்கும் ஒரு கொரில்லா – ஏதோ பயங்கர மிருகம் என்று அக்கம்பக்கத்தில் பீதியைக் கிளப்புகிறது. அதை பயன்படுத்திக் கொள்ளும் வில்லன்கள்…

King Ottokar’s Sceptre (1938–39) இன்னும் ஒரு சிறந்த புத்தகம். ஒரு தென்கிழக்கு ஐரோப்பிய நாடு, அதை ஆக்கிரமிக்கும் நினைக்கும் பக்கத்து நாடு; ஜெர்மனி பெல்ஜியத்தை ஆக்கிரமிக்கும் தருணத்தில் எழுதப்பட்ட புத்தகம்.

Crab with the Golden Claws (1940–41) காப்டன் ஹடாக் இந்தப் புத்தகத்தில்தான் அறிமுகம் ஆகிறார். ஓபியம் கடத்தலைத் துப்பறியும் டின்டின் கப்பல், படகு, விமானம், சஹாரா பாலைவனம் என்று அலைகிறான்.

Shooting Star (1941–42) வண்ணப் படங்களோடு வெளியான முதல் புத்தகம் இதுதான். ஆர்க்டிக் பகுதியில் எங்கோ ஒரு பெரிய விண்கல் விழுகிறது. அதைப் பற்றி ஆராய டின்டின் குழு செல்கிறது.

Secret of the Unicorn (1942–43) கேப்டன் ஹடாக்கின் முப்பாட்டன் ஒரு பொக்கிஷத்தைப் பற்றிய ரகசியமாக எழுதி வைத்திருக்கும் ஆவணங்களைக் கண்டுபிடிக்கிறார்கள். ஹடாக் பிற்காலத்தில் வாழும் மார்லின்ஸ்பைக் மாளிகை இந்தப் புத்தகத்தில்தான் அறிமுகம் ஆகிறது. இதன் தொடர்ச்சியான Red Rackham’s Treasure (1943) புத்தகத்தில் பொக்கிஷத்தைத் தேடிப் போகிறார்கள். கால்குலஸ் அறிமுகம் ஆவது இந்தப் புத்தகத்தில்தான்.

Seven Crystal Balls (1943–46) புத்தகம் எகிப்திய பிரமிட்களில் நுழைந்த அகழ்வாராய்ச்சியாளர்கள் மீது ஒரு சாபம் இருந்தது என்ற நம்பிக்கையை பெருவின் இன்கா நாகரீகத்துக்கு கொண்டு செல்கிறது. ஏழு ஆராய்ச்சியாளர்கள் கோமாவில் விழுகிறார்கள். கால்குலஸ் பெருவுக்கு கடத்தப்படுகிறார். இதன் தொடர்ச்சியான Prisoners of the Sun (1946–48) புத்தகத்தில் கால்குலசை மீட்க டின்டின்னும் ஹடாக்கும் பெரு செல்கிறார்கள். அங்கே அவர்களை பலி கொடுக்கப் போகும்போது கிரகணம் வரப்போவதை தங்கள் வேண்டுகோளுக்கு சூரியனே பணிகிறது என்கிற மாதிரி காட்டி தப்பிக்கிறார்கள்.

Land of Black Gold (1948–50) ஒரு பெட்ரோலிய அரபு நாட்டின் ஷேக்குக்கு உதவி செய்யும் டின்டின்.

Destination Moon (1950–52) இதன் தொடர்ச்சியான Explorers on the Moon (1952–53) புத்தகத்தில் நிலாவுக்குப் போகிறார்கள். என்னுடைய ஃபேவரிட் புத்தகம் இதுதான். வார்த்தை விளையாட்டு கலக்கலாக இருக்கும்.

Calculus Affair (1954-56) புத்தகத்தில் கால்குலஸ் கடத்தப்படுகிறார், அவரை மீட்கிறார்கள். இன்ஷூரன்ஸ் ஏஜென்ட் ஜோல்யான் வாக் அறிமுகம் ஆவது இதில்தான்.

Red Sea Sharks (1956-58) புத்தகத்தில் ராஸ்டாபொபுலோஸ் மீண்டும் வருகிறான். அடிமை வியாபாரம் செய்யும் அவன் முகமூடியைக் கழற்றுகிறார்கள், ஆனால் அவன் தப்பிவிடுகிறான்.

Tintin in Tibet (1958-59) புத்தகம் எனக்கு மிகவும் பிடித்த ஒன்று. நேபாளம் அருகே விமான விபத்தில் சிக்கிக் கொள்ளும் சாங்கை ஒரு yeti- பனி மனிதன் – காப்பாற்றுகிறது/கிறான். வழக்கமான சாலையில் படுத்துக் கிடக்கும் மாடு போக்குவரத்தை நிறுத்துவது போன்ற காட்சிகளும் உண்டு.

Castafiore Emerald (1961–62) புத்தகத்தில் வில்லன்களே கிடையாது!

Flight 714 (1966–67) மீண்டும் ராஸ்டாபொபுலோஸ். வேற்று கிரகவாசிகள் வேறு.

Tintin and the Picaros (1975–76) புத்தகத்தில் டின் டினின் ஆடை மாறுகிறது! பெல்பாட்டம் அணிந்து வருகிறான். தென்னமெரிக்காவில் வழக்கம் போல புரட்சிகள்…

Tintin and Alph-Art (1986) – முழுமை பெறாத புத்தகம். ஒரு வழியாக ராஸ்டாபொபுலோஸ் இதில் இறக்கிறான்…

Tintin and the Lake of Sharks டின்டின் சீரிசில் இடம் பெறாத, ஒரு திரைப்படத்துக்காக எழுதப்பட்ட கதை. சுமாராக இருக்கும்.

இவற்றைத் தவிர Le Thermozero என்று ஒரு கதையை ஆரம்பித்து நிறுத்திவிட்டாராம்.

சமீபத்தில் ஸ்டீவன் ஸ்பீல்பெர்க் இயக்கத்தில் சில கதைகளை ஒன்றிணைத்து திரைப்படமாகவும் வந்தது.

தொகுக்கப்பட்ட பக்கம்: காமிக்ஸ்

மாடஸ்டி ப்லைஸ்

modesty_blaiseசிறு வயதில் அங்கொன்றும் இங்கொன்றுமாக Modesty Blaise காமிக்ஸ் புத்தகங்களை படித்திருந்தாலும், மனத்தைக் கவரவில்லை. மாடஸ்டியின் இரண்டாவது பெயரை எப்படி உச்சரிக்க வேண்டும் என்று கூட நினைவில்லை. ப்லைஸ், ப்ளைஸ், ப்லேய்ஸ், ப்ளேய்ஸ்? தமிழ் மொழிபெயர்ப்புகளில் ப்ளேஸ் என்று எழுதப்பட்டுள்ளது என்று காமிக்ஸ்களின் பரம விசிறி ஆன கிங் விஸ்வா தகவல் தருகிறார். தற்செயலாக சில ஆங்கில காமிக்ஸ் புத்தகங்களை சமீபத்தில் படித்தேன்.

Pulp fiction என்று சொல்வார்கள். கொஞ்சம் வன்முறை, குற்றங்கள், விறுவிறுவென்ற நடை, வேகமாக நகரும் கதை, பல ஆக்ஷன் – அதாவது அடிதடி சீன்கள் நிறைந்த கதைகள்; காரக்டர்கள் அனேகமாக ஸ்டீரியோடைப்பாக இருக்கும். தமிழில் பட்டுக்கோட்டை பிரபாகர், சுபா, ராஜேஷ்குமார் போன்றவர்கள் ஏறக்குறைய இந்த மாதிரி எழுதுகிறார்கள். மாடஸ்டி அந்த ரகம். 37, 38 வயதுப் பெண் புயல்; கோங்கோ என்ற சின்ன ஆயுதத்தைப் பயன்படுத்துவதில் (கிட்டத்தட்ட வர்மக்கலை மாதிரி) நிபுணி; குற்ற வாழ்க்கையின் மூலம் நிறைய பணம் சேர்த்தாயிற்று. இப்போது வாழ்க்கை கொஞ்சம் போரடிக்கிறது. வலது கையான, கத்தி வீசுவதில் நிபுணனான வில்லி கார்வினுக்கும் இதே நிலைதான். இங்கிலாந்தின் உளவுத்துறை தலைவர் டரான்ட் இருவரையும் தனது துறைக்காக recruit செய்துகொள்கிறார்.

modesty_willie_garvinஎல்லா கதைகளிலும் யாராவது வில்லன்(கள்) டராண்டின் கண்களில் படுவார்கள்; இல்லை என்றால் மாடஸ்டி, கார்வின் இருவரில் யாராவது ஒருவருக்கு வேண்டியவரை கொல்வார்கள், கடத்துவார்கள் இந்த மாதிரி; சில சமயம் இருவரும் போவார்கள், இல்லை என்றால் மாடஸ்டியுடன் பாதி புத்தகத்தில் கார்வின் சேர்ந்து கொள்வார். ஒரு confrontation சீன் இருக்கும். அந்த சீனில் கார்வின் கத்தி வீசுவார், மாடஸ்டி சுடுவாள்/இல்லை என்றால் தன் கோங்கோவை பயன்படுத்தி எதிரியை செயலிழக்க செய்வாள்.

மாடஸ்டியின் பலம் ஓவியர் ஜிம் ஹோல்டவேயின் மிக நேர்த்தியான சித்திரங்கள்; மாடஸ்டிக்கும், வில்லி கார்வினுக்கும் உள்ள உறவு; சிம்பிளான வாழும் முறை; மாடஸ்டியின் moral code; பலவீனம் ஃபார்முலாவை தாண்டாத கதைகள் – ஃபார்முலாவை தாண்ட ஆசிரியர் பீட்டர் ஓ’டொன்னல் விரும்பவில்லை. அதனால் ஒன்றிரண்டு படித்தால் போதும். கிட்டத்தட்ட நூறு 96 புத்தகங்கள் இருக்கின்றனவாம். ஒவ்வொன்றிலும் ஒரு நூற்று இருபது, முப்பது panels (மூன்று சித்திரங்கள் கொண்டது) இருக்கலாம்.

எனக்குப் பிடித்த strips Scarlet Maiden (1981), Moonman (1982). சமீபத்தில் நான் படித்த பிற strips Galley Slaves (1968), Red Gryphon (1968), Hell-Makers (1969), Takeover (1969), Warlords of Phoenix (1970), Willie the Djinn (1970), Puppet Master (1972), With Love from Rufus (1972), The Bluebeard Affair (1972), A Few Flowers for the Colonel (1982).

சில நாவல்களும், சிறுகதைத் தொகுப்புகளும் கூட வந்திருக்கின்றன. மாடஸ்டி எப்படி டராண்டின் unofficial employee ஆனாள் என்பதை Modesty Blaise (1965) நாவல் விவரிக்கிறது. Pieces of Modesty (1972) ஒரு சிறுகதைத் தொகுப்பு. ஒரு கதையில் பெர்லின் சுவரைக் கடக்க மனித பீரங்கி என்று சர்க்கஸில் இருக்குமே அதைப் போன்ற ஒன்றை வைத்து ‘விஞ்ஞானியை’ சுவரைத் தாண்டி சுட்டு அனுப்புகிறார்கள். Last Day in Limbo (1976) சுவாரசியமான களத்தைக் கொண்டது. வில்லி/வில்லன்கள் பணக்காரர்களைக் கடத்தி தங்கள் பண்ணையில் அடிமையாக சேர்த்துக் கொள்கிறார்கள்! Dragon’s Claw (1978)விலும் இதே போல ஒரு வில்லன். தான் உலகமெங்கும் திருடி சேர்த்திருக்கும் ஓவியங்கள், கலைப்பொருட்களை காட்டி பீற்றிக் கொள்வதற்காக ஓவியர்கள், கலை விமர்சகர்களை கடத்திக் கொண்டு வந்து அவற்றைக் காட்டிவிட்டு பிறகு கொன்றுவிடுகிறான். Xanadu Talisman (1981) நாவலில் இரானிய ஷாவின் கிரீடத்தை பின்புலமாக வைத்து ஒரு கதை. Cobra Trap (1996) மற்றுமொரு சிறுகதைத் தொகுப்பு. கடைசி சிறுகதையில் இப்போது ஐம்பத்து சொச்சம் வயது இருக்கும் மாடஸ்டியும் கார்வினும் இறந்துவிடுகிறார்கள்.

கிங் விஸ்வா தரும் தகவல்கள்: மூன்று/நான்கு கதைகளை கொண்ட ஒரு தொகுப்பாக டைட்டன் இதுவரை இருபது புத்தகங்களை வெளியிட்டுள்ளார்கள். அதில் இந்த கதைகளின் பின்புலம், கதை உருவான வரலாறு என்று அட்டகாசமான ஒரு கலெக்டர்ஸ் எடிஷனாக அது அமைந்து இருக்கிறது. மாடஸ்டி தமிழுக்கு அறிமுகம் ஆனது கல்கி/குமுதம் வாயிலாக. மேற்கொண்டு விவரங்களுக்கு தமிழ் காமிக்ஸ் உலகம் தளத்துக்குப் போய்ப் பாருங்கள்.

த்ரில்லர் படிப்பதில் விருப்பம் உள்ளவர்களுக்கு மாடஸ்டி ஒரு சிம்பிள் pulp fiction உலகத்தை காட்டுகிறது. அந்த உலகத்துக்குள் இது ஒரு கிளாசிக்.


 

தொகுக்கப்பட்ட பக்கம்: காமிக்ஸ்

தொடர்புடைய சுட்டிகள்:
மாடஸ்டி ப்ளைஸ் பற்றிய விக்கி குறிப்பு
பீட்டர் ஓ’டொன்னல் பற்றிய விக்கி குறிப்பு
தமிழ் காமிக்ஸ் உலகம் தளத்தில் மாடஸ்டி