அஞ்சலி – ர.சு. நல்லபெருமாள்

எழுத்தாளர் ர.சு. நல்லபெருமாள் மறைந்தார் என்று ஜெயமோகன் தளத்தில் படித்தேன். என்னைப் பொறுத்த வரையில் எழுத்தாளருக்கு அஞ்சலி என்றால் அவர் எழுத்தைப் பற்றி பேசுவதுதான். நான் அவரது கல்லுக்குள் ஈரம் புத்தகத்தைத் தவிர வேறு எதுவும் படித்ததில்லை. அவரது மாயமான்கள் என்ற புத்தகத்தை உள்ளூர் நூலகத்தில் பார்த்த நினைவு இருந்தது, அதையாவது படித்துவிட்டு அஞ்சலியை எழுதுவோம் என்று தள்ளிப் போட்டேன்.

கல்லுக்குள் ஈரம் நாவலைப் பற்றி என் அம்மா சொல்லி கேட்டிருக்கிறேன். சில வருஷங்களுக்கு முன்தான் படிக்க முடிந்தது. இப்போது மங்கலாகத்தான் நினைவிருக்கிறது. காந்தியை கொல்ல நினைக்கும் ஒருவன் மனம் மாறுகிறான் என்று வெகு சுருக்கமாக சொல்லலாம். என்னை கவர்ந்த அம்சம் மெலோட்ராமா குறைவாக இருந்ததுதான். ஒரு அலை ஓசை அளவுக்கு நம்ப முடியாத தற்செயல் நிகழ்ச்சிகள் எல்லாம் கிடையாது. பாத்திரங்கள் ஓரளவு உண்மையானவர்களாக, நம்பகத்தன்மை உடையவர்களாகத் தெரிந்தார்கள். ஒரு above average “வணிக நாவல்” என்று சொல்லலாம். ஜெயமோகன் இந்த நாவலை சிறந்த social romance-களில் ஒன்றாக குறிப்பிடுகிறார்.

வானதி பதிப்பகம் வெளியிட்டிருக்கிறது. இங்கே வாங்கலாம். விலை 230 ரூபாய்.

ஹே ராம் படம் இதைத் தழுவி எடுக்கப்பட்டது என்கிறார்கள். எனக்கு நிறைய வித்தியாசங்கள் தெரிகின்றன.

மாயமான்கள்: சில பாத்திரங்களை மட்டும் காட்டுகிறார், கதை என்பதே இல்லை. கட்சி பலத்தை வைத்து எல்லாரிடமும் பணம் பிடுங்கும் வக்கீல்; அவரது இளம் மனைவி; ஜட்ஜ்; அவரது இளம் மனைவி, நியூவேவ் கதைகள் எழுதுபவர்; அந்த கதைகளைப் பதிக்கும் பத்திரிகை ஆசிரியர் – அவளை வளைக்கப் பார்க்கிறார்; இளம் ஜூனியர் வக்கீல்கள், சம்பத் பணக்கார நளினியை மணந்து சுகவாழ்க்கை வாழப் பார்க்கிறான். நளினியின் அப்பா, மில் முதலாளி; எல்லாரும் caricatures மட்டுமே. தவிர்க்கலாம்.

மருக்கொழுந்து மங்கை (1982) தன் பின்புலத்தால் கொஞ்சம் சுவாரசியமானது. இந்திரா காந்தி அமுல்படுத்திய நெருக்கடி நிலையை சரித்திர நாவலில் பிரதிபலிக்கிறார். இந்திராவுக்கு பதிலாக இரண்டாம் பரமேஸ்வர்வர்மனின் ராணி; சஞ்சய் காந்திக்கு பதிலாக இளவரசன் சித்திரமாயன்; துர்க்மான் கேட்டை இடித்தது போன்ற ஒரு சம்பவம்; ஜெயப்பிரகாஷ் நாராயண் போலவே ஒரு பாத்திரம் சிறைப்படுத்தப்படும்போது “வினாச காலே விபரீத புத்தி” என்று சொல்கிறார். நல்லபெருமாள் இப்படி பிரதிபலிக்க வேண்டும் என்று நினைத்துத்தான் எழுதினாராம். பல பத்திரிகைகள் பயந்து பிரசுரிக்க மறுத்தனவாம். கடைசியில் தினமணி கதிரில் வந்திருக்கிறது. சிம்மவிஷ்ணு பரம்பரை முடிவடைந்து தாயாதி பரம்பரையிலிருந்து நந்திவர்மன் ராஜா ஆனதை வைத்து எழுதப்பட்டது.

நல்லபெருமாள், அகிலன், நா.பா., மு.வ. போன்றவர்கள் கொஞ்சம் லட்சியவாதம், சமூகப் பிரக்ஞை உள்ள வணிக எழுத்தாளர்கள். சமூகத்தைத் திருத்த வேண்டும், சமூக அவலங்களை எழுத்தில் காட்ட வேண்டும் என்ற நோக்கம் அவர்கள் எழுத்தில் தெரிகிறது. துரதிர்ஷ்டம், அவர்கள் எழுதியது எல்லாம் கால ஓட்டத்தில் மறைந்துவிடும் என்றே கருதுகிறேன். நல்லபெருமாளின் பலம் (நான் படித்த இரண்டு புத்தகங்களை மட்டும் வைத்து) ஓரளவு மிகை உணர்ச்சிகள் (melodrama), உபதேசம் ஆகியவற்றை குறைத்து நம்பகத்தன்மையை கொஞ்சம் அதிகரித்து எழுதி இருப்பது. ஒரே ஒரு புத்தகம் படிக்க வேண்டும் என்றால் கல்லுக்குள் ஈரம் படிக்கலாம்.

தொகுக்கப்பட்ட பக்கம்: அஞ்சலிகள்

13 thoughts on “அஞ்சலி – ர.சு. நல்லபெருமாள்

  1. ஆழ்ந்த அனுதாபங்கள்.”எண்ணங்கள் மாறலாம்” சிறந்த நாவல். I read when I was 13. I searched his other books here and there . unfortunately I didn’t find. his writing way was amazing couldn’t describe in words.

    Like

    1. கல்லுக்குள் ஈரம் pdf வடிவில் எங்கே கிடைக்கும் என்று தெரியவில்லை. இணையத்தில் கிடைத்தால் எனக்கும் சொல்லுங்கள்.

      Like

  2. Exteamly shocked to know the sudden demise of the great writer of historical novel of yesteryears.It is really great loss to tamil literature.As his fan and a neighbor during late 60s and early 70s his death is a personal loss to me.

    Like

  3. I had the opportunity to read one of his novels Nambikaigal. It came in a serial form in a magazine (kalki I thinK) and my father had taken all the episodes and bound it as a book. Even now it is with me. It deels with a temple closely resembling Chidambaram and the supersition of some people and the hero of the novel will try to steal a nataraja idol. Enjoyed reading it long back. Got to read it again after reading your blog.

    Like

    1. சரவணன், நாவலைப் பற்றி உங்கள் விமர்சனத்தை எழுதுங்களேன்! நீங்கள் விரும்பினால் இந்தத் தளத்திலேயே பதித்துவிடலாம்.

      Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.